Rreth 1ThesMeVeti

Dashuria për natyrën dhe puna vullnetare.

Historia jonë

Nisma 1thesmeveti ka filluar në vitin 2020 dhe nuk ka ndalur aktivitetet vullnetare brenda dhe jashtë kufinjëve.

1ThesMeVeti

Përveç vullnetarëve aktiv në Gjakovë, shpeshherë bashkangjiten dhe qytetarë
nga diaspora të cilët përcjellin aksionet tona përmes rrjeteve sociale dhe kanë dëshirë të kontribuojnë për vendin e tyre.
Në qershor 2022, 1thesmeveti është regjistruar si OJQ. Emri i organizates është inspiruar nga thesi apo qesja e mbeturinave, dhe përmes këtij emri urojmë të nxisim gjithsecilin që frekuenton vendet rekreative të ketë gjithmonë me vete një thes e t’i mbledh mbeturinat. Në këtë mënyrë natyra e vendet publike të mbesin të pastërta.
Përpjekjet e kontributet individuale kanë rëndësi të madhe në mirëmbajtjen e një ambienti të pastër e te gjelbërt. Ashtu siç nisma filloi nga një individ, sot 1thesmevetit i janë bashkangjitur një numër i madh i njerëzve të cilët i bashkon qëllimi i njejtë – Dashuria për natyrën dhe puna vullnetare.

Qëllimi

Ynë

Organizata për Mbrojtjen e Ambientit 1ThesMeVeti synon të kontribuojë në ngritjen e vetëdijës së njerëzve mbi rëndësinë e mbrojtjes së ambientit. Organizata do të vëzhgojë, analizojë, monitorojë dhe mbrojë ambientin kundër keqpërdorimit ose degradimit nga forcat njerëzore, gjë të cilën do ta bëjë nëpërmjet hulumtimit, edukimit jo-formal e trajnimit, ndërgjegjësimit dhe aksioneve konkrete për ruajtjen e ambientit, përfshirë këtu ndër të tjera edhe aksionet për pastrimin e ambientit.

Vizioni

Ynë

Do të përpiqemi të frymëzojmë të gjithë për të eksploruar, shijuar dhe mbrojtur vendet e egra të Tokës, për të praktikuar dhe promovuar përdorimin e përgjegjshëm të ekosistemeve dhe burimeve të Tokës dhe për të punuar për të rivendosur cilësinë e mjedisit natyror që na mbështet, me një qëllim për të siguruar aftësinë e Tokës për të ushqyer jetën në të gjithë diversitetin e saj.

Misioni

Ynë

Përmes punës së vazhdueshme synojmë të prodhojmë të dhëna dhe informacione mbi gjendjen e burimeve të caktuara natyrore, të punojmë për të kundërshtuar pasojat negative mjedisore të sjelljeve dhe proceseve njerëzore dhe të përpiqemi të ndikojmë në veprimet dhe politikat lokale, kombëtare e globale.